U

Naweekpos

Die Naweekpos was 'n maandelikse tydskrif, gepubliseer vanaf 1954-1970. Dit is gestig deur Norval Geldenhuys, die publikasiehoof van NG Kerk-Uitgewers. Die tydskirf het 'n sterk Christelike etos gehad en publiseer algemene artikels oor, onder meer, literatuur en die uitvoerende kunste. Bekende redakteure van die Naweekpos sluit in Jan Scarnell, Berta Smit en Audrey Blignault.

Mikrofilm-koerantversameling

In Oktober 2023 ontvang Nuuseum 'n skenking van die David Farrant mikrofilm-koerantversameling. Dit word beskou as een van die mees omvattende bibliografie van Suid-Afrikaanse geskiedenis en dokumenteer die tydperk 1852-2008. Hierdie versameling het oorspronklik deel uitgemaak van die Microfile-maatskappy wat 'n inligtingsdiens aan individue, joernaliste en maatskappye in Johannesburg verskaf het.

Die Transvaler

Die Transvaler was 'n oggendkoerant wat uitgegee is in Johannesburg vanaf 1937 tot 1993. In 1983 tot 1993 het dit verskyn as 'n middagblad. Die koerant was die eerste dagblad en is aanvanklik uitgegee deur Voortrekkerpers Beperk tot en met hulle samesmelting met Afrikaanse Pers Beperk in 1971 om later Perskor te vorm.

Die Burger

Die Burger is die oudste Afrikaanse koerant wat nogsteeds uitgegee word. Die eerste Afrikaanse artikels is gepubliseer in 1916.

Die Volksblad

Die Volksblad is uitgegee in die Vrystaat en Noord-Kaap. Dit is die oudste Afrikaanse dagblad in Suid Afrika en verskyn vir die eerste keer in 1904 as Het Westen. Sedert 2020 word die koerant dlegs in digitale formaat uitgegee.